Kan du tenkja deg å driva Kafeen litt i sommar? Fresen er utvida med ein dag, og då blir det mykje folk i bygda.

Butikkbarometeret til og med 5. mai 2012. Dei to vekene so er gått sidan sist butikkbarometer syner kjemperesultat med 20-30% over budsjettet!

Gode fresvikjer! Som de kanskje har fått med dykk, køyrer vi på med nok ei utgåve av Fres Festival! Årets utgåve vert større enn nokon gong, med ein ekstra festivaldag og eit program som ser ut til å verte det beste programmet nokon gong. I år vert det full guff med både nasjonale og lokale artistar av ypperste kvalité! Vi gledar oss enormt!

Trimgruppa kjem også i år til å setja opp ein del turar på onsdagskveldane. Første turen går frå kyrkjebakken til Holten onsdag 20. juni. Start kl 18. Dette blir også markering av at me får nye skilt på denne løypa, betalt av Gjensidigefondet. Difor kan det bli litt ekstra markering denne kvelden. Meir info i neste Bygdanytt. Trimgruppa.

Ei lita oppdatering om arbeidet på kaien. Kaien ved båtopptrekket er no ferdig. Sidan sommaren nærmar seg og folk har mykje å gjera, så ventar vi med meire jobbing til august-september. Då står blomstersenga ved samvirkeveggen for tur.

Me sel fine stemorsplanter på skuleplassen tysdag 15. mai kl 12-13.30. Om de vil bestille blomster kan de ringe Rita: 90716046, eller ta kontakt med skulen. Glade blomster til glade folk! Du går alltid heim med eit smil om du handlar hos Blomsterpatruljen! Helsing Blomsterpatruljen!

På årsmøtet til bygdalaget lukkast det ikkje å få ny leiar etter at Marianne takka for seg etter mange år i jobben. Løysinga blei difor å ha eit arbeidsstyre der kvar har fått sine område å ha ansvar for.

Dagmar herja godt på badeplassen i julehelga, og no må vi ta eit tak for å få stranda i orden til badesesongen.

Tone Nese er klar for årets første tur til Fresvik for å gi behandlinger.

Kst. landbrukssjef Veronika Seim Bech og Bjørg Hønsi Aafedt (eller Audun Grov som er ny studieleiar i skogeigarlaget) skal syte for at det vert arrangert Sikkerheitskurs motorsag i kommunen.

Hei alle Fresfolk! Me vil gjerne informere om at det i år kun vil bli førehandssal av billettar. Altså; alle må kjøpe billettar gjennom Billettservice. Me har også satt eit tak på antal billettar grunna tryggleiksomsyn.

Sesongen for padling er her, og dei 5 bygdakajakkane ligg klare til bruk ved SjøStigen hos Dee og Hege. For å leige kajakk må ein ha, eller padle i lag med ein som har, teke sikringskurs. Meir utfyllande info på naustveggen. Nytt høvet til nærkontakt med fjorden i sommar! Frigruppa, IL Modig.

Framleis svarte tal som tyder at vi ligg over budsjettert omsetnad! Dei 16 første vekene i 2012 er det handla for 1 367 000 kroner på bui. Det er 86 000 kroner meir enn budsjettert og 132 000 kroner enn i fjor! Det er veldig bra! Vi vonar på ein god sommar med dei faste gode kundane og mange handleglade feriegjester...

Me har rydda på øvsteloftet på skulen denne vinteren og no har me ein del gamle skulebøker som kanskje nokon har lyst å ha. Me har eit utval på biblioteket, og desse sel me svært rimeleg. Vil de sjå gjennom dei me har samla saman, så kom innom biblioteket onsdagar 18-20.

Fresvik har vore med i det 3-årige Bygdeutviklings-prosjektet til Fylkesmannen si landbruksavdeling dei 3 siste åra, og går ut no i vår. Det har til ei kvar tid vore 6 bygdar med i programmet; med inntak av 2 og utgong av 2 bygder kvart år. Av dei to bygdene som går ut, plar ei vera vertskapsbygd for ei fellessamling for alle deltakarbygdene, kalla "Bygdeforum". Bygdeforumet tek opp dagsaktuelle tema, oppsummerer åra for dei to bygdene som går ut i tillegg til å presentera bygda som er vertsbygd.